Жауынгерлерге тағзым

Мамыр айының 6-жұлдызында Бұқар жырау аудандық мәдениет үйінде Отан қорғаушылар күніне арналған «Отан қорғау – елге серт» атты дөңгелек үстел өтті. Оған аудан әкімінің орынбасары А.Дардаков, Бұқар жырау ауданының Қорғаныс істері бөлімінің капитаны Айекенов Нұрқайыр,  Ауған соғысының ардагерлері, ауған-тәжік қимылдарының қатысушылары, аудан орталығындағы екі мектептің ұстаздары мен оқушылары, әскер қатарына аттанатын бозбалалар қатысты.

Арман Дардаков:

- Бәріңізді мерекемен құттықтаймын. Біздің бабаларымыз аманат етіп қалдырған жерді қорғау үшін жастарымызға дұрыс тәлім-тәрбие беруіміз керек. Әскер қатарына елін қорғау үшін аттанып бара жатқан жастарға тек амандық, денсаулық, ашық аспан тілеймін, - деді.

Қорғаныс істері бөлімінің капитаны Айекенов Нұрқайыр осы бір мерекенің мәні мен мағынасына тоқталып, жүрегінен шыққан ізгі тілектерін білдірді. Ауған соғысында ерлік көрсеткен «Қара майор» атымен көпке танымал Борис Керімбаевтың құрметіне арналған естелік белгісімен Ауған соғысының ардагерлері Сәрсен Әбжанов, Сәбит Боқаев, Александр Владимиров, Алтынбек Жұматаев, Сағдат Сарбаев, Юрий Гостищев, Қайрат Сыздықов, Сергей Кочкин, Николай Сивчиков, Еркін Үмітбаев  марапатталды.

«Әке туралы жыр» әнін Сая Халидолдақызы аспанға шалқытты.

Көктем айындағы су тасқындарының алдын алу жұмыстарына белсенділікпен қатысып, туған жерімізге жанашырлық танытып, бірлік пен төзімділіктің үлгісін көрсеткені үшін аудан әкімінің Алғыс хатымен Бұқар жырау ауданының төтенше жағдайлар бөлімінің басшысы Ерсін Жүнісбеков, осы мекеменің бас маманы Аяз Сарбасов,

«Чкалово» дүкенінің жүргізушісі Башир Матиев, жеке кәсіпкер, тиегіш жүргізушісі Нұрлан Сәттібаев, жеке кәсіпкер Кристина Царькова марапатталды.

Ауданның қоғамдық-саяси өміріне белсенді қатысқаны, өскелең ұрпақты қазақстандық патриотизм рухында тәрбиелеуге қосқан үлесі үшін Жеңіс Әлімбаев, Нұрболат Аяған, Антон Гутник, Асқар Джумальдинов, Мерлан Дусқариев, Нариман Жаукешев, Жомарт Мұқашев, Наиль Хайруллин, Талғат Шүлембай, Еркін Үмітбаев, Қайрат Сыздықов, Сағдат Сарбаев, Сәрсен Әбжанов, Сәбит Боқаев, Николай Сивчиков аудан әкімінің Алғыс хаттарымен марапатталды.

Отан қорғауға аттанатын Ғ.Мұстафин кентінен Изтай Жанға, Тұзды ауылынан Руслан Тимерғалеевке, Ростовка ауылынан Рамир Хановқа, Керней ауылынан Андрей және Сергей Ярославцевтерге естелік сыйлықтары табыс етілді.

Бұл шара – еліміздің, жас ұрпақтың майдан даласында, бейбіт өмірде ерлік жасаған адамдарға тағзым ету шарасы болып табылды. Жас ұрпақ ол адамдарды көздерімен көріп, өздері үшін ой қорытты деген ойдамыз. Болашақта еліміз аман, жұртымыз тыныш болсын.

Қ.Ахметова

Д.Торжановтың суреттерінде: марапат тапсыру сәттерінен; естелікке сурет; жас сарбаздарға марапат.

Кері қайту