«Бұқарекең жырлайды» атты дәстүрлі ХІІ аудандық Бұқар жырау Қалқаманұлының жыр-толғауларын оқу мен орындаудан және жыраулар поэзиясы үлгісінде жазылған өлеңдерден ақын-жыршылар байқауының ережесі

Аудандық мәдениет және тілдерді дамыту бөлімі Елбасының «Болашаққа бағдар: рухани жаңғыру» бағдарламалық мақаласы аясында алты алаштың арқалы жырауы, жеті ханның ақылшы-кеңесшісі болған, көмекей әулие атанған Бұқар жырау Қалқаманұлының жалынды жырларын, асыл мұрасын дәріптеу, жыршы-жыраулық дәстүрді жаңғыртып, насихаттау, ұрпақты ұлттық ата-дәстүр рухына тәрбиелеу, халықтың рухани, мәдени мұраларын келешек ұрпаққа жеткізу және оны елдің санасына сіңіру мақсатында 2019 жылдың 20-қыркүйегінде «Бұқарекең жырлайды» атты дәстүрлі ХІІ аудандық байқауын өткізеді.

Байқау төрт түрлі жанр бойынша өтеді:

1. «Бұқар жырауша» - мүшәйра үлгісінде өтетін бұл сайысқа түсетін ақын өз туындысын жыраулар поэзиясы, яғни жыр-толғау үлгісінде жазуы шарт.

- ұсынылған шығармалар (3 өлең) Бұқар жырау Қалқаманұлына, жастар жылына арналған және еркін тақырыпта болуы керек.

- үміткерлер жыраулар поэзиясы, яғни жыр-толғау үлгісінде жазған шығармасын жатқа мәнерлеп айтуы шарт және жазған шығармасын сайыс өткізілетін күнге дейін, яғни бір апта бұрын алдын ала жіберуі тиіс;

- жазылған жыр-толғаулардың мазмұны жастарға патриоттық тәрбие беруге, ұлттық салт-дәстүрді сақтауға және басқа да позитивті идеяда болуы қажет.

2. «Бұқар жырау оқулары» - бұл сайысқа қатысушылар Бұқар жыраудың шығармаларын, яғни жыр-толғауларын жатқа, мәнерлеп оқуы керек. Жаттаған шығармаларының саны 20-дан кем болмауы тиіс және өз кент, ауыл немесе оқу орындарынан іріктеуден өтіп келуі шарт.

3. «Жыршы-жыраулар сайысы» - бұл сайыста әнші-жыршылар Бұқар жырау Қалқаманұлының жыр-толғауларын белгілі бір аспапта (қобыз, домбыра, сырнай) мақамға салып орындауы шарт.

Бұқар жыраудың жыр-толғауынан бір және қосымша бір жыр орындауы міндетті.

4. «Әлемді түгел білсе де» - бұл сайыста өзге ұлт өкілдері Бұқар жырау шығармаларын өз ана тілінде және өзге тілде оқуы шарт. Сонымен қатар, қазақ тілінде жаттаған жыр-толғауларының саны 5-тен кем болмауы қажет.

Байқауды өткізу тәртібі:

- Сайысқа ауданның барлық үміткерлері және қазақ тілін жетік меңгерген өзге ұлт өкілдері де қатыса алады. Олардың жасы шектелмейді.

- Әр жанр бойынша қазылар жүлдегерлерді жеке анықтайды.

- Кент, ауыл атынан әр номинация бойынша бір оқушыдан қатысады, яғни әр ауылдан 4 номинация бойынша 4 үміткерден артық қатыса алмайды.

- Үміткерлікке ұсынылған шығармалар қайтарылмайды және пікір берілмейді.

- «Бұқарекең жырлайды» аудандық, облыстық байқауының 4 номинация бойынша бас жүлде, І орын иегерлері және облыстық байқаудың ІІ, ІІІ орынға ие болғандар қатыса алмайды.

Үміткерлердің киімі және сахна мәдениетіне ерекше назар аударылады.

Ынталандыру:

Жеңімпаздарға дипломдар мен ақшалай сыйлықтар тапсырылады.

Аудандық байқаудың жеңімпаздары облыстық байқауға қатысуға жолдама алады.

Ұйымдастырушы: «Бұқар жырау аудандық мәдениет және тілдерді дамыту бөлімі» ММ

Бұқар жырау көшесі-70, байланыс тел: 21670, эл почта: bukarkultura@mail.ru және bjr_okult@krg.gov.kz

Байқауға қатысу үшін өтініштер ағымдағы жылдың 6-қыркүйегіне дейін қабылданады.

Кері қайту