Оқиғалар
Айдарлар
Мерейтойыңмен, газетім!
Реформа өміршең өзгерістер
Балалар жылы
Елбасы
Халық санағы
Қазақстан тәуелсіздігіне 30 жыл
COVID
Жолдауға - қолдау
Аудандық әкімдікте
Қазақстандықтар табыс жолында
Патриоттық тәрбие
Мемлекеттік тіл – менің тілім
Мемлекеттік қызметтер
Құқықтық тәрбие
Ақпараттық топ жұмысы
Ардагерлерге - құрмет
Еңбек адамы
Деніңіз сау болсын
Тұрғындар назарына
Мектеп өмірінен
Ауыл хабарлары
АӨК және бизнес
Туган жер
Ешкім де, ештеңе де ұмытылмайды
Biz birgemiz
Ресми
Кәсіпкерлікті дамыту
САЙЛАУ
Дін
Жемқорлықпен күрес
Референдум
Аудан жаңалықтары
Истории успеха- Тағы
Жолдауға қолдау
19.10.2019
Түсіндірме жұмыстары
Қазан айының он жетісі күні аудандық әкімдікте мемлекет басшысы Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты жолдауын қолдау және насихаттау мақсатында аудандық ішкі саясат бөлімінің ұйымдастыруымен кең көлемді жиын өтті.
«Нұр Отан» партиясы аудандық филиалы басшысының бірінші орынбасары Марат Нұрланов пен облыстық ақпараттық-түсіндіру тобының мүшесі, академик Е.Бөкетов атындағы Қарағанды Мемлекеттік университетінің конституциялық және халықаралық құқық кафедрасының доценті Руслан Ботагариннің жүргізуімен өткен жиынға мәслихат хатшысы Асхат Әли, ардагерлер кеңесінің төрағасы Төкен Арбабаев, мемлекеттік қызметкерлер, этно-мәдени бірлестік мүшелері мен жастар қатысты.
Мемлекет дамуының бағыт-бағдарын айқындаған Президентіміздің алғашқы жолдауы таяуда ғана жарияланғанымен, халық арасында талқыға түсіп, қолдап жатқандар қатары артып келеді. Өзінің стратегиялық құжатында мемлекет басшысы күн санап алуан өзгеріске түсіп отырған заман ағымына сай мемлекет құруға шақырып, сол тиімді мемлекетті құру жолында атқарылуы керек бес міндетті айқындап берді. Р.Ботагарин аталған бес міндеттің әрқайсына жеке дара тоқталып өтіп, нақты әрі түсінікті тілде жолдаудың айқын тұстарын тыңдарманға жеткізе білді.
Қарапайым халықтың күнделікті кездесетін қиындығына басты назар аударған мемлекет басшысының бастамасымен жас мамандарға, көпбалалы, жалғызбасты аналарға көмек ретінде облысымыз көлемінде атқарылып отырған бірқатар жұмыстарға тоқталған Р.Ботагарин баяндамасының соңын:
- Қазақ елі әрқашан бейбітшілікті, тыныштықты, өзара келісімді ұстанып келген халық. Осы жолмен Мәңгілік ел идеясын ұстанып, Мемлекет басшысы ұсынған арнайы бағдарламалар, жүзеге асырылып отырған шаралардың бәрі халыққа жетіп, қолдау тапқан жағдайда ғана үлкен жетістіктерге апаратын болады,- деп тыңдарманды қолдап қана қоймай, өз үлесін қосуға шақырды.
Б.Жакешова
Д.Торжановтың суреттерінде: этно-мәдени бірлестік мүшелері; президиум.





