Жолдауға - қолдау

Ақпараттық топ жұмысы

Қаңтар айының 16-сы күні Ғ.Мұстафин кентінің Мәдениет үйінде аудандық ақпараттық-насихат топ мүшелерінің қатысуымен Елбасының «Қазақстандықтардың әл-әуқатының өсуі: табыс пен тұрмыс сапасын арттыру» атты Жолдауын түсіндіру және талқылау бойынша кент тұрғындарымен кездесу өтті.

Аудандық ақпараттық-насихат топ мүшелері Елбасы Жолдауының ерекшелігіне назар аударып, халықтың әлеуметтік әлеуетін арттырып, тұрмысын түзеуге арналған  басымдықтарды жүзеге асыру ауданымыздың дамуына да мол мүмкіндік беретінін тілге тиек етті. Еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру міндеттеріне арналған Жолдау Елбасы саясатының беріктігі мен тұрақтылығын көрсетіп отырғанын айтты.

Елдің тұрмысын жақсарту бағытында іске асырылып жатқан жұмыстар жайында да сөз қозғап, Жолдауға қолдау білдіріп отырған кездесуге қатысушыларды жылдың бас құжатын талқылау, түсіндіру және іске асыру жұмыстарында белсенділік танытуға шақырады. Шара соңында қатысушылар толғандырып жүрген сұрақтарына жауап алды.

Л.Малик,

Ғ.Мұстафин кенті әкімі аппаратының басшысы

Кері қайту