Құттықтаймыз! Би әлемінде тағы бір жеңіс

Тағы да қуанышымыз еселенді. Өткен сенбілік нөмірде «Гүлдердің» жеңісі туралы жазған болатынбыз. Араға бір апта салып тағы бір мәрте бәйгеге түскен биші қыздарымыздың бұл жолы да қоржындары бос қайтпады.

Қараша айының 30-жұлдызында Қарағанды қаласындағы «Нұр Отан» партиясының ғимаратында «ART START» көпжанрлы республикалық хореографиялық конкурс өтті. Аталмыш байқауда «Гүлдердің» кіші би тобы «Татар» биін билеп, жүлделі екінші орынды иеленді. Үмітіміз ақталды. Қасиетті Бұқар баба есімімен аталатын ауданның аты шықты.

- Біріншіден, ата-аналарға алғысымды айтқым келеді. Балаларға рух беріп, қолдау көрсеткені үшін. Екіншіден, аудандық Мәдениет үйінің басшысы Раушан Әлібекқызына. Қашанда болмасын көмек қолын созып, аудан намысы үшін қолдан келгеннің бәрін жасайды. Балалар үлкен би тобында өнер көрсетті. Соған қарамастан жеңісті қолдан бермеуге тырысып бақты, -дейді Қымбат Рустумбекова.

Тағы да жеңістерімен шын жүректен құттықтай отырып, би әлеміндегі бағындырар белестері мен алар асулары көп болғай демекпіз.

Осындай дарынды шәкірттерді дайындаған Қымбат Рустумбекова мен Бақытгүл Советоваға айтар алғысымыз шексіз. Шынымен де балалармен жұмыс істеу оңайға соқпайды. Біреуі үйдің еркесі, енді біреуі кенжесі дегендей. Әрбірінің тілін тауып, бір арнаға тоғыстыру оңай емес. Бұл әрине -еңбек. Еңбектерің жана берсін!

Жанұзақ Мақышев,

Ботақара кенті

Кері қайту