«Ғұлама ғалым – Қаныш Сәтбаев»

Биыл ғалым, геолог, мемлекет және қоғам қайраткері Қаныш Имантайұлы Сәтбаевтың туғанына 125 жыл толды. Ол – Қазақстан ғылымындағы геологиялық қызметтің негізін қалаушы, Қазақ ССР Ғылым академиясын ұйымдастырушы және оның тұңғыш президенті, геологиялық ғылымдар институтын құрушы.

Осы атаулы күнге орай сәуір айының 12 жұлдызы күні Қарақұдық ауылдық кітапханасында мәдениет қызметкерлерінің ұйымдастыруымен қазақтың біртуар перзенті Қаныш Имантайұлы Сәтбаевтың ғылыми мұрасын кеңінен насихаттау, ғалымның жан-жақтылық, табандылық, ізденімпаздық қасиеттерін жасөспірімдерге насихаттау мақсатында Амангелді орта мектебінің 9-сынып оқушылары мен мектеп кітапханашысы Ш.Жалбырованың қатысуымен «Ғұлама ғалым – Қаныш Сәтбаев» атты портреттік кеші өтті.

Онда арнайы «Киелі жердің дарынды перзенті» атты көрме-панорама дайындалып, көрмеге ғалымның өміржолы, отбасы, БАҚ-та жарияланған көптеген мақалалар, Қаныш Сәтбаевтың нақыл сөздері, есімі берілген қаласы, білім ошақтары, көшелері және әр қалада бой көтерген ескерткіштері туралы мағлұматтар берілді.

Сонымен қатар «Қаныш Имантайұлы Сәтбаев – әлемге әйгілі ғалым» атты ақпараттық көрмеге ғалымның әр жылдардағы еңбек жолы туралы ақпараттармен бөлістік. «Қазақ археологиясының бәйтерегі» атты буклет қатысушылар назарына ұсынылды.

Шара соңында барлық қатысушыларға «Қазақ ғылымының атасы» атты жаднамалар таратылды.

Г.Дүйсембек,

Қарақұдық ауылдық кітапханасының

 кітапханашысы

Кері қайту