Елтаңбаның сәулетшісі Шот-Аман Уалихановтың 90 жылдық мерейтойына және Қазақстан Республикасы рәміздерінің 30 жылдығына арналған «Рәміздер – елдігіміздің еңсесі, теңдігіміздің тірегі» атты аудандық мүшәйрасының Ережесі

Мүшәйра 2022 жылдың 1 сәуір айынан бастап 1 маусым аралығында өтеді.

Мүшәйраның мақсаты:

Елтаңбаның сәулетшісі Шот-Аман Уалихановтың мерейтойына ел рухын көтеретін, поэзиямыздың мүмкіндігін танытатын өлеңдердің жазылуына мүмкіндік беру. Ақындардың шығармашылық дамуына жол ашу.

Мүшәйраның міндеттері:

- талантты жас ақындарды мүшәйраға тарта отырып, шығармашылық жолдарын айқындап, насихаттау, әдебиетіміздің дамуына үлес қосуына қолдау көрсету;

- өлең сөздің ел рухына серпіліс беріп, жігерлі, табанды ұрпақтың тәрбиеленуіне ықпалын сезіндіру;

- патриоттық, гуманистік бағыттағы поэзияны дамыту.

Мүшәйра талаптары:

- мүшәйраға 16 жастан бастап қатыса алады;

- мүшәйраға қатысуға кем дегенде екі өлең шығару керек, әр өлең көлемі 40-50 жолдан аспауы керек;

- мүшәйра рәміз бен Елтаңбаның авторына байланысты болуы тиіс;

- «Рәміздер – елдігіміздің еңсесі, теңдігіміздің тірегі» мүшәйрасына ұсынылатын өлеңдер үстіміздегі жылдың 1 сәуір айынан бастап 1 маусым аралығында қабылданады. Автордың аты-жөні, электронды поштасы, байланыс телефондары өлең жолданған файлда көрсетіледі;

- өлеңдерді (centralnayaraionnaya-2011@mail.ru) электронды поштасына жолдау керек;

- шығармалар электрондық нұсқада Microsoft Word форматында (14 кегльде (шрифт), жоларасы 1 интервал, Times New Roman қарпімен) жіберілуі қажет;

- жинақтарда, мерзімді басылымдарда, сайттарда, әлеуметтік желілерде жарияланған, басқа байқауларға ұсынылған және талапқа сай келмейтін шығармалар қабылданбайды;

- қабылданған шығармаларға пікір берілмейді;

- қазылар алқасының алдын-ала іріктеуінен өткен 10 үміткер қорытынды шараға қатысады;

- қорытынды кеш аудандық орталық модельді кітапханада 2022 жылғы 3 маусым күні өтеді;

Іріктеуден өткен ақындарға 2022 жылдың 1 маусым айына дейін қосымша хабарландыру беріледі.

Үміткерлердің шығармаларын бағалау кезінде:

- ұсынылған шығармалар тақырыбының байқау мақсатына сәйкестігіне;

- шығарманың тақырыптық-идеялық мазмұнына;

- туындының көркемдік сапасына;

- автордың сөз саптау мәнері, стильдік ерекшелігіне назар аударылады;

- барлық келіп түскен шығармаларды байқаудың қазылар алқасы алдын ала қарап, талдау жасайды және бағалайды.

Мүшәйраның жүлде қоры:

1. Мүшәйраның жеңімпаздары мен жүлдегерлері дипломдар мен құнды сыйлықтармен марапатталады.

2. Мүшәйраға ат салысып, қосымша қолдау білдіреміз деген азаматтар болса қарсылық болмайды.

Мүшәйраға қатысу:

Мүшәйраға қатысу үшін үміткердің тапсырыстары (үлгідегі кестеге сәйкес аты-жөні, жұмыс немесе оқу орны, байланыс телефондары көрсетіле отырып, жеке куәлігінің көшірмесімен қоса) және шығармалары 2022 жылғы 1 маусым айына дейін төменде көрсетілген мекенжайға жолдау қажет: Ботақара кенті, Абылай хан көшесі, 41, аудандық орталық модельді кітапхана, электронды пошта: centralnayaraionnaya-2011@mail.ru, анықтама телефоны: 8-702-648-90-01, 8-775-356-63-56.

Ұйымдастыру комитеті

Үлгі

«Рәміздер – елдігіміздің еңсесі,

теңдігіміздің тірегі» атты аудандық жыр мүшәйрасына өтініш

Кері қайту